النبي هو البدايه

( النبي هو البداية)
الوداع يا اهل العمــــــــــار
دي الحياه تخلص ف ساعه
عل اللي مات تبكي الديـــار
والاجل ما فيهوش شفــاعه
***************
دنيا ومسيرها ربــــــــــك
والامل بينك وبينــــــــــي
بكره قبرك ليك لوحـــدك
غصب عنك يا ابن دينـي
**************
الامل ف العمر ســــارق
دنيا حطلع منها اصــــلع
يا تري لما افــــــــــارق
شكل قبري اذاي حيطلع
*************
الهوي ف النفس يضرك
مهما طال العمر يقصــر
اوعي نفسك يوم تــغرك
واللي يحب الدنيا يــخسر
*************
ف البشر مجنون وهـادي
والحساب عل الكل عــمم
ناس بتمشي وناس بتاجي
والتراب ف الكل لــــــمم
*************
حن عل الغلبـــــان وسامح
دي العمل ف الــخير بينفع
وادعي ربك ف ابن صالح
يوصل الاعمال ما يقـــطع
*************
لم تترك علم بـــــــــعدك
والعلوم ف الدين رصـيد
بعد موتك تــــبقي سعدك
والرصيد ف الخير يزيد
*************
والصلاه جــــنب الصيام
مين حينجدني اف عذابي
يا رسول الله ســـــــــلام
يا شفيعي يوم حســـــابي
*************
يا رسول الله تحيــــــــه
والايمان ف النفس قيمه
جهـــلنا ف الدين قضيه
والقضــــيه ف العزيمه
*************
الايمان بالله يقــــــــــين
والنبي هو الـــــــــبدايه
واللي ناوي يعيش بدين
يدعي ربه بـــــــالهدايه
************
للقيامه الـــــكل يــــــــــجمع
والـــــــنوايا ف القـــــــلوب
والبشر تغـــــــــــلط وترجع
واللي يخاف م الموت يتوب
*************
ف النهايه اغســـــل ذنوبك
دي الصلاه ف الراس تعلم
والطهاره هــــــي توبــــك
صلي عل المـختار وسلــم
*************
عبد الجابر الجوهري