ام مصريه تدعو وهي راااااااااايقه

طبعا الام مدرسة

وطبعا كلنا امهاتناا بتدعلنا

بس الام المصرية ليها دعاء خاص كدا لولادها

ياعيني عليها لما يبقي مزاجها رايق وتدعي لابنها ياسلام

انا جايبلكم حبة من ادعية الام المصرية لابنها وهي مزاجها عال ال عال

ربنا يبعد عنك الأشرار.. ويجعل لك في كل خطوة دولار

ويبعد عنك أولاد الأيه .. ولا يخيبك خيبة الجنيه

ويجعل أعمالك كلها حسنات.. ويكفيك شر شهادة المخالفات

ويحوش عنك كل الشرور.. ويكفيك شر كمين المرور

ويكون لك دايما في العون.. ويكفيك شر فاتورة التيلفون

ويجعل لك كل الناس حبايب.. ويكفيك شر بتوع الضرايب

ولا يجعل عيالك محرومة.. ولا يخيبك خيبة الحكومة

ويجعل أصحابك كلهم اخلاص.. ويكفيك شر سواقين الميكروباص

ويحميك يا بني من إبليس.. ويكفيك شر سواقين الجيش والبوليس

وينور لك طريقك بالبركات.. ويكفيك شر الحفر والمطبات

بدعيلك وبدعي لكل أولادي.. يكفيكم شر الركود الاقتصادي

ويكثر في جيوبكو النقدية.. ويرحمكم من شر الدروس الخصوصية

ولا يحرمكم من أكل الفول.. ولا يخرب بيتكم بفواتير المحمول

منقوول

فعلا رايـــــ ـ ـ ـ ـ ـــقـة

هى دى الدعوات المعاصرة

شكرا يا سارة

بارك الله فيك

[ندعوك للتسجيل في المنتدى أو التعريف بنفسك لمعاينة هذا الرابط]