| | حمله (رمضان هيغيرنى) |  |
|
|
| كاتب الموضوع | رسالة |
|---|
saso
]] نائب المدير [[
![]] نائب المدير [[](https://i.servimg.com/u/f30/13/90/93/84/na3eb-10.gif "]] نائب المدير [[")
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل : 
فريقى الاوربى : 
 |  موضوع: حمله (رمضان هيغيرنى)  الإثنين أغسطس 03, 2009 3:57 am | |
| حمله (رمضان هيغيرنا )حمله متخصصه بشهر رمضان ياترى كام رمضان ضاع من بين ايدينا ؟كام رمضان اشتغلنا فى اوله وبعد كده كسل ؟كام رمضان نشتغل فيه كويس وبعد لما يخلص (كما كنت )؟طيب كام رمضان غيّر فينا بجد؟ كام رمضان علّم فين واتعلمنا منه وطلعنا منه بحاجه اكيد قليل او ممكن يكون مفيش ===========خلاص هات صفحه تانيه ايه رأيك يكون رمضان السنه دى رمضان مش عادى؟ ايه رأيك يكون رمضان المره دى له علامه فى حياتنا يعنى نقعد فاكرينه طول حياتنا ان فى رمضان ده انا بطلت المعصيه دى او بدأت اعمل الطاعه الفلانيه ايه رأيك ؟[ندعوك للتسجيل في المنتدى أو التعريف بنفسك لمعاينة هذا الرابط]موافق !!طيب كمل معانايلا نبدأ [ندعوك للتسجيل في المنتدى أو التعريف بنفسك لمعاينة هذا الرابط]انتظرنا فى الحلقه الاولى من (رمضان هيغيرنا )انتظرونا ان شاء الله فى اول شعبانمنقوول | |
|
 | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الإثنين أغسطس 03, 2009 3:58 am | |
| الحلقه الاولى
(اوكازيون ؟)+السلام عليكم ورحمه الله وبركاته
=وعليكم السلام ورحمه الله وبركاته
+احوالك عامله ايه ؟
=تمام بخير
+والحياه معاك عامله ايه ؟
=ماشيه بس مش اوى
+طيب فرصه علشان نشتغل صح
=ازاى ؟
+رمضان جاى كمان شهر تقربيا
=طيب كويس ..
+لاء مش كويس ده راااائع
لاننا بعون الله هنعمل شغل
جامد جدا
علشان نتغير بجد
وهنرفع شعارنا
رمضان السنه دى ...له علامه فى حياتى
=يعنى ايه ؟
+يعنى مش عاوزين ننسى رمضان السنه دى خالص
من حياتنا
=..[ندعوك للتسجيل في المنتدى أو التعريف بنفسك لمعاينة هذا الرابط].!!!
+من غير ماتسأل
هقولك ازاى
لما يكون فى حاجه معينه مش عارف تعملها
يعنى مثلا
واحد بيشرب سجاير ومش قادر يبطل
واحد مدمن للعاده السيئه
واحد مش قادر يبطل اغانى
واحد الناس بتكرهه جدا
واحد مش قادره تتحجب صح
كل حاجه كل حاجه
هنتكلم عنها
ولما نبطل ونقف عن الشئ ده
السنه كلها والعمر كله
هنفتكر رمضان السنه دى
ان بسببه بطلت كذا وكذا
وبدأ اعمل كذا وكذا
=يعنى ممكن بجد نعمل كل ده
+طبعا ممكن نبطل كلنا
ولكن هل انت عاوز تبطل ؟
=طبعا ...
+جميل جدا
وكل بيقول الخطوه الاولى هى الصعبه
وان شاء الله علشان كلنا هنشتغل مع بعض
وكمان رمضان هيساعدنا بعد ربنا
=طيب بسرعه هنبدأ امتى ؟؟
+احن......
=لسه هنستنى لرمضان
كتييييير اوى
+استن......
=طيب نبدأ دلوقتى
+(انا حطيت ايدى على فم صاحبنا )
[ندعوك للتسجيل في المنتدى أو التعريف بنفسك لمعاينة هذا الرابط]
عاوز اتكلم
=اتفضل ...
+ده انت كائن غريب
لوك لوك اقفل التسجيل ده شويه
ودانى وجعتنى
[ندعوك للتسجيل في المنتدى أو التعريف بنفسك لمعاينة هذا الرابط]
=خلاص ماتزعلش
بس انا فرحان اوى لانى مش مصدق انى ممكن ابطل
المعاصى دى كلها
+طيب ايه رأيك نبدئ دلوقتى
=ياريت
+يعنى مستعد
=طبعا بس معلش عندى سؤال صغنن
+اتفضل
=ليه اخترنا رمضان بالذات ؟؟
+لان تفرق لما تروح تشترى حاجه بذاتها وتمشى
عن لما تشترى حاجه عليها هديه زياده 10 % لاقل واحد
عن لما تشترى حاجه عليها اوكازيون الضعف او اكتر بكتييير
=مش فاهم
+بص العرض الاول مش عندنا فى الاسلام
بتاع ابو جنيه بجنيه
لاء فى الاسلام
اقل حاجه لما تدفع جنيه واحد هتاخد 10 جنيه فورا
وده على طول
لكن فى رمضان هتدفع جنيه
هتاخد 70 جنيه على طول
ده اقل حاجه
=يااااااااااااا اه بجد
+طبعا بجد
رمضان اوكازيون
جامد
حبيبك النبى قال (رمضان سوق قام ثم انفض )
يعنى رمضان سوق هيقوم وهيخلص
بس ياترى مين اللى هيكسب
=ان شاء الله نكون كسبانين
+يارب بس الاهم اننا نتعب شويه صغيرينونعترف بكل عيوبنا ومش هنتغير غير لما كل واحد يقول اللى جواه بصراحه
= طيب معلش كنا عاوزين نخرج مع بعض
ندردش شويه علشان بجد انا محتاج اتكلم معاك
+طبعا موافق
=ربنا يخليك بس ياريت فى اقرب وقت
+طيب ايه رأيك
نخرج نتمشى شويه على البحر
ونتكلم
=ماشى
+طيب يلا دلوقتى بس عاوزك بالليل
تقول كل اللى عندك
علشان رمضان نستعد له من دلوقتى
=ماشى انا هقعد مع نفسى
علشان اعرف هنقول ايه
+لاء اوعى عاوزك تتكلم بتلقائيه
تقول اللى فى قلبك
مش عاوز تجهيز
=ماشى
+السلام عليكم ورحمه الله وبركاته
=وعليكم السلام ورحمه الله وبركاته منقوول للتغيير | |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الإثنين أغسطس 03, 2009 4:01 am | |
| ( بصراحه)
"انا بكلم صاحبنا على الموبيل علشان نتفق
هنتقابل فين وكده "
+السلام عليكم
ازيك ياباشا ؟
=الحمد لله بخير
وانت ايه اخبارك ؟
+الحمد لله بخير
ايه مش هتخرج النهارده
=يلا ده انا مستنى اتصالك
انت فاضى دلوقتى
+انا مفضّى نفسى علشانك
=طيب يلا بينا دلوقتى
+يلا بينا
5 دقايق وتلاقينى تحت بيتك
=لاء طبعا
انت اللى تجى ليا ازاى
ماينفعش ؟
+ليه فيها ايه يعنى ؟
=فيها كتير ..ماينفعش وخلاص
ازاى انت تيجى
+انت عندك مشكله !!
=لاء بس الاحترام يقول انا
اللى اجى لك
+الاحترام على عينى وراسى
بس كلنا بشر
مفيش فرق بيننا
كلنا عباد لله
انا جاى لك
=ماشى مستنيك
"المهم اتقابلنا وطلعنا على البحر نتمشى
ووصلنا ووكنا رايحين نقعد فى كافيتريا
لكن صاحبنا رفض علشان عاوزنا نتعزل
عن العالم علشان نتكلم برحتنا ورحنا قعدنا على صخره قدّام البحر "
+يلا يا سيدى
عاوزك تطلع كل اللى عندك
= بس ممكن طلب
+اتفضل
=انا هتكلم بصراحه جدا
بس مش عاوزك تتكلم
الا لما اخلّص
+ماشى يا سيدى
اتفضل
وعاوزك تعيش
محدش سامعنا خالص
وعاوز تطلع كل اللى جواك
=بص يا سيدى
انا بقى
يوم قريب من ربنا
وشهر بعيد تماما عن ربنا
وطبعا طالما انا بعيد
الشيطان ربنا يلعنه
بيستلمنى
وبيخلينى ابعد اكتر
واعمل كل الذنوب اللى ممكن تتخيلها
عملت ذنوب محدش عملها
كنت بأخترع ذنوب ومعاصى
لانى زهقت من الذنوب التقليديه
عملت كل حاجه
+زى ايه ؟
=دخلت واتفرجت على مواقع اباحيه
ويمكن كل المواقع تقريبا
لحد ما ادمنتها
وادمنت العاده السريه
لدرجه انى كنت بعملها
فى اليوم الواحد اكتر من مره
مش بغض بصرى خالص
شربت سجاير ومشيت مع بنات
وكنت بسلّم عليهم جدا
وكنت بتعمّد اشترى بنطلونات معينه
علشان اسقطّها
ولبست حظّاظه
وسلسله
وادمنت سماع الاغانى
كلها لكل الناس
حتى الاغانى الدينيه
قلت كل الالفاظ الزباله
وكنت بجيب فى سيره اصحابى فى غيابهم
وكنت مغرور بنفسى اوى
ومش بسمع كلام
ابويا وامى
مطنشهم خالص
وكان بيعدّى عليا ايام
مش بركع فيها
ورغم كل ده ربنا بيسترنى
ومش بيفضحنى
ياااااااااااااا ااااااااااااااا ه
بجد
مش عارف
اعمل ايه
بجد
مخنوووووووووووو ووووووووق جامد
حاسس ان الشيطان ربنا يلعنه
مكتفنى جدا مش قادر اتحرّك
كذا مره
اقول هصلى وهبقى راجل
وبفشل
كذا مره اقول لربنا
يارب سامحنى مش هعمل كده تانى
واوعده بس كما كنت ارجع اكتر من الاول
بجد اتخنقت مش عارف اعمل ايه
حاسس ان الدنيا اسودت فى وشى
"يقطع الحديث بكاء صاحبنا "
+اهدا كده ووحد الله
=لا اله الا الله
مش عارف بجد عاوز ارجع
بس هل هيقبلنى
ولا هيقولى انت جيت ليه وبرفضنى
بجد خايف اوى
+طيب انت دلوقتى قلت مين انت
سؤال بقى
مين ربك ؟
=هو الغفور الرحيم العزيز
+انا عارف وانت عارف
بس هل انت حاسس
="صاحبنا يبكى "
+تعرف ان ربنا اسمه
المؤمن
=عارف
+طيب يعنى ايه ؟
=مش عارف بصراحه
+المؤمن يعنى اللى ديما عارف احنا مين
مش مهم الدموع لما تتوب
المهم انك عاوز تتوب بجد
عاوز ترجع
عرفت غلطتك
عرفت انت مين قدامه
عرفت انه ممكن يسحب منك اى نعمه
على الاقل لانك استخدمتها غلط
وسعتها لو عملت ايه
خلاص ممكن يسحب منك حياتك
وساعتها اعمل اللى انت عاوزه
لو عملت ايه خلاص
كل شئ انتهى
للاسف احنا لحد دلوقتى
لسه مش عارفين ربنا كويس
مش عارفين يعنى ايه
الغفووووووووووو وور
يااااااه لو نحس على دمنا
يااااه لو نعرف معنى التواب
ليه مش التائب
لانه كان هيتوب عليك
بس لو عملت نفس المعصيه تانى
خلاص
مش هيتوب عليك لانه تاب عليك مره وخلاص
وانت مصمم
على فكره بص انت عملت ايه
ورغم كل ده
ربنا بيحبك
=ايه !!!
بيحب مين ...مستحيل بعد كل ده يحبنى
+بيحبك ..
=صعب دلوقتى صدقنى
+بص لو والدك زعق لك علشان عملت حاجه غلط
هل معنى كده انه مش بيحبك
=لاء طبعا بيحبنى بس هو زعلان منى شويه
علشان عاوز لى الخير
+طيب ربك حبيبك بيحبك بس زعلان منك شويتين
علشان عاوز لك الخير كله
= وانا والله بحبه اوى
+ وهو بحبك اكتر بيقولك عيش حياتك صح
واضمن اخرتك
بيقولك الدين سهل
تصدق ممكن وانت نايم تاخد ثواب
وانت بتلعب تاخد ثواب
بس من جواك خلى نيتك خير
علشان تريح نفسك شويه وتفوق تكمل يوم الطاعه
بانك رايح تلعب كوره وتقعد على الكمبيوتر
صدقنى افهم حياتك صح مره
حياتك كلها هتتغير
=نفسى بس مش عارف
+ليه ...مش صعبه
=طيب ازاى ؟
+شايف كل الحاجات اللى انت عملتها
كلها
تخيل معايا
كل ده اتمسح من حياتك
وكمان ذنوبها اتمسحت
وكمان تخبل كده
انت بتلعب كوره
ولما الحكم يظلمك فى كوره تعذره
بأنه ما اخدش باله ومش قصده
وتبتسم فى وشه ولما الصلاه تأذن
تسيب الكوره وتروح تصلى
وترجع تكمل كوره ولما تروح تاخد دش
بنيه النظافه من الايمان وان الله جميل يحب الجمال
وتدخل تريح لك شويه
بنيه انك تريح جسمك من التعب علشان تعرف تكمل يومك وتصلى بقلب وخشوع
مش تبقى عاوز تنام
ولما مامتك تجى تصحيك
تصحى وتبتسم فى وشها بنيه بر الوالدين وكمان
نيه ان الابتسامه صدقه
وتدلعها وتقول لها حاضر يا جميل وايه القمر ده
وكتير عليا اصحى من النوم على الحلاوه دى
وتقوم تقعد على الكمبيوتر شويه بنيه الاتصال بالعالم
لان ربنا قال وجعلناكم شعوب وقبائل لتعارفوا
بس طبعا مش مع البنات
اه فى حدود وكمان تشوف اخبار العالم وتدخل على المنتديات
وتحط مواضيع علشان تفيد الناس
واثناء جلوسك
بتسمع اناشيد او قرآن او حتى اغانى هادفه دينيه
ولما الاذان يأذن تقوم وتسيب الكمبيوتر
وتروح تصلى واثنا ما انت ماشى تقول لكام واحد السلام عليكم
يلا 60 حسنه وراسم ابتسامه حلوه
زى ماقلنا ابتسامه بصدقه
وترجع تلاقى ماتش تتفرج عليه
وتتفاعل معاه وتهزر وتضحك
وتهزر شويه مع اخواتك ومع اصحابك وتخرج
=يااااااااااااا ه لو اعيش يوم واحد بس كده
+طيب ايه رأيك لو تعيش كل حياتك كده
=.ياريت نفسى ايدى على ايدك
+طيب يلا بينا نبدأ
=يلا بينا
ان شاء الله
كل حلقه حتى نصف شعبان
نحل كام مشكله ونبطل كام معصيه
نهائى
يلا نبدأ كلنا مع بعض
يلا هات ايدك
نبدأ مع بعض
نبدأ بجد
نلعن ونكسب الشيطان مره واحده
ونضربه الضربه القاضيه
ونبقى رجاله صح وبنات صح
يلا بينا
كلنا عاوزين نعيش حياتنا صح
لو عاوز تعيشها معانا
يبقى انتظرنا
منقوله للتغيير
| |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الإثنين أغسطس 03, 2009 4:13 am | |
| تنويه :
الحلقه دى مهمه جدا لكل الناس
مش لفئه معينه
فعلا احنا هنتكلم عن المواقع الاباحيه
ولكن هى مهمه لكه الناس
=============== ===========
"نكمّل"
+بص يا جميل
هنحاول نحل مشكله مشكله
=ماشى بس ياريت خطوات عمليه واقعيه
لانى سمعت كتييير اوى بس تحس ان اللى بيتكلم
فى وادى واحنا فى وادى
+ماشى الخطوات كلها عمليه جدا
=ياريت
+بص هنبدأ بالمصيبه الكبيره
وهى
المواقع الاباحيه
الاول لازم تعرف مين هما اللى بيعملو المواقع دى
=اليهود
+ليه ؟؟
=علشان يبعدونا عن ربنا
+وهما مالهم ؟؟
=.....!!!!
+علشان معنا اقوى سلاح
سلاح الايمان
ولو استخدمناه
بنبقى جبابره
ومحدش يقدر علينا
واقرب مثال
المنتخب المصرى فى كاس القارات
فى ماتش البرازيل وايطاليا
كنا فريق عالمى
واول ما طلعت الشائعه بتاعه
بنات الليل
كل واحد بدأ يدافع عن نفسه
مش ينتظر ربنا يدافع عنه
وده اللى حصل
لما شافو فيديو المراقبه
ان اللعيبه كانو وحدهم
يعنى من الاخر
طالما
احنا مع ربنا
يبقى عاوزين حد يقرب لنا
محدش هيقدر علينا
فقط عاوزين نثق فى الله بجد
=ونعم بالله
يعنى همّا مش بيعملو كده
علشان متعه معينه
لاء بيعملو كده علشان يبعدونا
+طبعا
ولو افترضنا انهم
بيعملو كده علشان فلوس
يعنى كل الطرق مسدوده الا ده
=فعلا
بس معلش فى ناس بتعمل كده لانها محتاجه فلوس
+انا عارف قصدك على بتوع الدعاره
وانا لسه قايل لك احنا محتاجين نعرف مين هو ربنا
سبحانه
ونثق فيه
لان رزقنا واخدينه واخدينه
يبقى ايه اللى يخلينا ناخده من حرام
=فعلا ...بس نرجع لموضوعنا
+ماشى
غمض عينك وعيش معايا
"صاحبنا سمع الكلام
وغمّض عينه
وانت كمان اشتغل معانا "
يتبع | |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الإثنين أغسطس 03, 2009 4:14 am | |
| =ماشى
+تخيّل معايا
انت قاعد تتفرج على المواقع دى
وعايش بس طبعا غلط
ومُثارجدا
وفجأه
اختك تدخل عليك
"صاحبنا وكأنه اتكهرب وقام مره واحده "
=يانهار زى بعضه
+فى ايه !!
=بتقول اختى دخلت عليا
وانا مشغل ال...
+اه
وفيها ايه !!
=هو ايه اللى فيها ايه
دى مصيبه
+يعنى انت مش عاوز اختك تشوفك وانت بتتفرج
او حتى امك
=طبعا
+طيب وعاوز ربنا يشوفك !!!
=......!!!
+سكت ليه ؟
=هقول ايه بس
+بص انا معاك ان احنا
لما بنعصى
بنعصى
مش لاننا بنكره ربنا
ولكن
علشان احنا بنحب المعصيه
=فعلا
+واحنا كلنا بنحب ربنا ..صح ؟
=طبعا
+طيب وحبيبك قالك ماتعملش كده
علشان هو بيحبك
وعاوز لك الجنه
يعنى مصلحتك
واللى مش هتعمله حرام هتاخده حلال
انت بقى هترد تقول ايه ؟؟
هتقول ماشى يا حبيب قلبى
هسمع كلامك
من غير ما افكر لانى بحبك
ولا
هتقول حاجه تانيه
=طبعا هقول هسمع كلامك من غير ما افكر
علشان بحبك
بحبك يا رب
+قلنا ولكن هننفذ
=طبعا
+لاء مش انت اللى هتجاوب
ولكن قلبك
=بس ده صعب اوى ابطل وخصوصا
انى كنت مدمن ليها
+عارف
وكل شئ فى اوله
يبقى صعب نكمله
بس لو نتحمله بالايمان والدعاء
والرجوله
هنبطل
وهنقول كفايه بقى
وخلى بالك
كل لما تفكر فى المواقع دى
تخيل الموقف ده
وانت قاعد تتفرج
فجأه
النور يقطع
ولكن مش نور الحجره
ولكن نور عينيك
وتسمع صوت يكلمك ويقولك
اخدت نعمه غاليه اوى
وما حافظتش عليها
وانت ماتستاهلهاش
=يااااااااااااا ااااااااااااااه
لو حصلت
+كارثه من العيار التقيل
او تخيل كمان لو نور حياتك يقطع
يعنى النهايه لك تكون على مشهد
زى ده
مشهد ما يساويش ولا يوم من نعيم الجنه
ومعلش مين دى اللى تساوى
زوجتك او بلاش
مين دى اللى تساوى واحده من الحور العين
=انا معاك بس معلش قليل اوى لما واحد
يموت فى السن ده
+طيب هو انت مش ممكن تكون من القليل !!!
=عندك حق
+ومين اللى قال
ان السكه سهله
الطريق صعب
ولازم تجاهد نفسك
وتبقى راجل بجد
تبقى بطل
=ربنا يثبتنا
+امين يارب
وخلى بالك
انا عارف انك بتحس بشهوه جنسيه جامده
ولكن ربنا لما قال
يا عبادى الذين اسرفوا على انفسهم
ركز
تانى
على انفسهم
يعنى وان كنت كسبان شهوه فأنت خسران
ان ربنا يزعل منك ودى مصيبه
انه يزعل منك ومن علشان خاطر ايه
كام صوره
طز فيهم بس اهم حاجه ربنا مايزعلش مننا
وخسران ذنوب
وخسران حاجه تانيه
وهى لما تتجوز
رغبتك الجنسيه مع زوجتك هتكون اقل
وده لان ربنا من صفاته العدل
يعنى لو افترضنا
ان الشهوه الجنسيه تساوى
100%
وكده كده هتاخدها
لما انت تاخد دلوقتى 80 % منها
هتبقى 20 %
فى الحلال مع زوجتك
طبعا نسبه قليله
وغير كده هيحصل مشاكل كتيير مع زوجتك
لانك اتفرجت كتيييير وطبعا الكمال لله وحده
انت بقى اخدت من كل صوره
الجمال اللى فيها
وفى الاخر هتجمع صوره
مش موجوده فى الحقيقه
صوره متركبه
ولما تلاقى زوجتك
غير الصوره اللى فى بالك
وطبعا هتبقى من جواك فى كره نحيه زوجتك
واكيد كل ده عكسه هيحصل
لو بطلت
لان
من ترك شيئا لله
عوضّه الله خير منه
=يعنى انا ممكن ألحق نفسى
+طبعا
المهم تطلع راجل بجد
راجل بصفاته
ان قراراته مش بيرجع فيها
وربنا لما يلاقيك عاوز تبطل بجد
هيساعدك
وهغيرك لان انت فعلا عاوز تغير اللى جواك
وعاوز تبقى صح
علشان خاطر ربنا مايزعلش منك
وعاوزك تاخد خطوه ايجابيه
ونزل برنامج لحجب المواقع الاباحيه
ادخل على جوجل
واختار اللى يعجبك
يلا يا بطل
عاوز رجوله
عاوز شاب مسلم صح
=ماشى هتشوف
و
هتكون دى اول مره اطلع راجل فيها
راجل بجد
فى تصرفاته
فى افعاله
رمضان هو النهايه
نهايه المعصيه
بدايه الرجوله
+يلا يا بطل
عاوزين نشوف
الرجوله
=مش انت اللى هتشوف
ربنا
المهم حبيبى يرضى عنى
"طبعا الحلقات لسه كتير "
يلا سلام دلوقتى بقى
اه افتكرت
لسه فى حلقه كمان فى الموضوع ده
استنونا
هنتغيّر وهنغيّر
منقوول لتغيير | |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الإثنين أغسطس 03, 2009 4:17 am | |
| ازاى نفهّم الدين صح !!
"
على فكره معظم الحوار اللى هنقراه
دلوقتى حقيقى مع احد اصحابى "
" نكمّل "
= انت عارف
انا نفسى افهم الدين صح
بصراحه
هقولك على حاجه
بس بينى وبينك
+قول
=احيانا بحس بجد
ان الدين كئيب اوى
بحس ساعات
ان المفروض الدين ما يتدخلش فى كل حاجه
بحس ان الدين متخلف
"محدش يزعل من الكلام ده
انا سمعته بودانى من احد اصدقائى "
+عارف ليه ؟
=ليه ؟
+لانك بتحكم على الدين من خلال اى واحد
=ازاى ؟
+يعنى فى ناس بجد
خنيقه جدا
ناس رخمه بجد
واسمهم متدينين
=فعلا
+والحاجه التانيه
انك فاهم الدين غلط خالص
=مش عارف افهمه ازاى صح ...
+هقولك دلوقتى
والحاجه التالته
انك بتنقى حاجات وحاجات
=ازاى ؟
+يعنى بتاخد من الدين اللى يعجبك والباقى فكك
=ازاى يعنى ؟
+يعنى ربنا قالك الدين كله
هتطبقه
هتعيش بيه احلى حياه
واحلى اخره
وهى الجنه طبعا
=ربنا يرزقنا يارب
+يارب
بص بقى نمشى واحده واحده
=ياريت علشان نفسى بجد افهم الدين صح
+ماشى بص يا جميل
لازم نعرف ان الدين
مفيش حاجه خالص
تركها الا و اتكلم فيها
=خالص!!
+خالص كل حاجه الدين اتكلم فيها
اى حاجه ممكن تتخيلها
القرآن الكريم اتكلم عنها
ولازم برضه تعرف
ان الدين
نزل لكل زمن
ولكل الناس
حتى غير المسلمين
الاسلام كلمهم
وبكده يكون الاسلام
صالح لأى زمن
= لاء بقى ركّز فى الكلام
ازاى نزل لكل زمن
+هقولك كل حاجه
بص انا لسه قايل دلوقتى
ان الدين
صالح لاى زمن
وده لانه وضع اساس لأى حاجه ممكن تتخيلها
وكل زمن على حسب امكانياته
يقوم على الاسس دى
=معلش وضّح اكتر
+بص مثلا
سيدنا عمر قال
(علموا اولادكم السباحه والرمايه وركوب الخيّل )
والنبى صلى الله عليه وسلم
قال
(المؤمن القوى خيرواحب عند الله
من المؤمن الضعيف وفى كلٌ خير )
ده الاساس
=ازاى ؟؟
+بص على الحديث الشريف
لما النبى يقولك على طريق سهل
تكون عند ربنا افضل واحب
من غيرك
مع ان الاتنين كويسين
لان الحديث فى اخره
(وفى كلٌ خير )
يعنى الاتنين كويسين
ولكن القوى احسن من الضعيف
يعنى كده النبى صلى الله عليه
بيدعوك ان تقوى جسمك
ولم يحدد لك
ازاى تقوى جسمك
وكل واحد له طريقته
وتبص برضه على كلام سيدنا عمر
ليه اختار
(السباحه والرمايه وركوب الخيل )
= ......
+اقولك
لان دى الرياضه الموجوده فى عهده
والموجوده فى العالم كله
يبقى هو بيدعوك انك تواكب العالم
وتمشى معاه مادام الطريق ده مفيش فى شئ غلط
وبكده يكون اكد
ان الرياضه مطلوبه منك
مش جدعنه
وان كان تركها مش حرام
بس ضروريه
مثل تانى
لما النبى يقولك
(ان الله جميل يحب الجمال )
ويكون من احب الاشياء للنبى فى الدنيا
هى العطر
ويقولك فيما معناه
لو عندك شعر اهتم بيه وسرّحه
وده الاساس
يبقى لازم تكون كاجوال
وشيك على طول
وحاجه تالته
لما النبى يقولك
(لا تغضب )
ويقول
(الغضب من الشيطان )
وربنا سبحانه يقسم بالناس اللى بتمسك نفسها فى الغضب
ويقول سبحانه
(والكاظمين الغيظ والعافين عن الناس )
يعنى اكيد الناس دى ربنا بيحبها اوى اوى
علشان كده اقسم بيهم
ودليل على حب ربنا الكبير جدا
للناس دى
انت لما تحلف لازم تحلف بربنا
ومن حلف بغير الله فقد اشرك
لانك بتعظم ربنا جدا
يبقى اكيد ربنا بيحب الناس دى اوى وكمان
بيعظم الناس دى
وكمان النبى
يقولك ان الابتسامه صدقه
كمان يقول ان الله يكره المعبس فى وجه اخوانه
يكنى اللى ديما مكشر
وكمان النار تحرّم على كل
هين لين سهل
يعنى الانسان اللى ماشى حياته ببساطه
وبيهزر
مش واخد الحياه قفش اوى
اكي بعد كل الاسس دى
استحاله لما تتطبق الدين صح
استحاله تكشر
او تغضب
او حتى تتنرفز
ديما هتسامح
علشان تبقى من الكاظمين الغيظ
وديما هتكون مبتسم
وبكده الناس كلها هتحبك
لانك مش بتقف على الواحده
وبتسامح ومبتسم ديما
وكده على الدين كله
وعلى فكره ان شاء الله
هنعمل سلسله عن ازاى نفهم الدن صح
ونتكلم عن كل حاجه بعون الله
والحاجه التانيه
لازم تاخد الدين كله وتطبقه
مش اللى على مزاجك
يعنى مثلا تقول انا عاوز اعيش حياتى صح
وما تصليش
او اختنا تقول انا عاوزه اعيشها صح
وحجابها غلط
وصدقنى اللطعم الحقيقى والاصلى
لما تاخد الدين كله مره واحده
ده لو انت عاوز تعيش حياتك
بس تعيشها صح
مش تعيشها وخلاص
لان دى صفه من صفات اليهود
لان ربنا قال
(ولتجدنهّم احرص الناس على حياه )
مش هتفرق نوع الحياه
المهم انه يعيش وخلاص
ومش عاوز يموت
لكن احنا عاوزين نعيش حياتنا صح
وكمان نكون مستعدين فى اى لحظه للموت
لاننا مش بنعمل حاجه غلط
حياتنا كلها صح
وان شاء الله تكون اخرتنا صح
=ان شاء الله انتظرونا ...
والقادم اجمل منقول لتغيير | |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الإثنين أغسطس 03, 2009 4:24 am | |
| الحلقه الخامسه
حمله
(رمضان هيغيرنا )
<-=-=-=-=-=-=-=-=-=->
+ نكمل يا بطل
= ماشى
+ بص بقى هنتكلم دلوقتى عن
حاجه منتشره جدا بيننا
وحاجه وحشه اوى
= هى ايه ؟؟
+هى عدم غض البصر
=يااااااااااااا ه
نفسى ابطلها
بجد حاجه وحشه اوى
+ بعون الله هنبطل
= يارب
+ الاول كده تعرف الدين
قال ايه عن غض البصر
= ماشى
+ ربنا حبيبنا بيقول
(قل للمؤمنين يغضوا من ابصارهم )
و
(قل للمؤمنات يغضضن من ابصارهم )
= صدق الله العظيم
+ ركز تانى فى الايه
ربنا قال
(قل للمؤمنين يغضوا )
كنا عاوزين نتكلم ان الاوامر فى الدين
اما تكون
امر واجب يعنى لازم تعمله
ولو معملتهوش حتاخد بسببه ذنوب
زى الصلاه
وده بنعرفها لما يكون اسلوب امر مباشر
او تكون
تحبيب وترغيب يعنى لو عملتها ليك ثواب جامد
لكن لو معملتهاش مش هتاخد ذنوب
زى مثلا الابتسامه
لان
(الابتسامه فى وجه اخيك صدقه )
وبكده حبيبك النبى صلى الله عليه وسلم
بيشجعك عليها
ودى مش بتكون امر صريح
ولكن زى عرض الخير وعرض ثوابه العظيم
علشان الناس تعمله
=جميل اوى
+انت اجمل
=بتكثف ...
+ ماثى يا مكثوف
ايووه لسانى اتعوج اعدل لسانك بأه
= ماثى ..احم احم ..ماشى
 + نرجع للايه تانى
الايه بتقول
(قل للمؤمنين يغضوا )
لو انت جدع بأه تقول
الايه دى اى نوع من اللى قلنا عليه ؟
= النوع الاول
الامر الصريح اللى واجب علينا نعمله
+ برافو حلو اوى
اذن غض البصر مش جدعنه مننا نعمله
لاء
لازم نعمله والا سعرنا هيقل يوم القيامه
=يعنى ايه سعرنا يقل ؟
+بص ربنا خلق كائنات كتيير
انسان اسماك اسود نمل نبات
ولكن مين افضل واحد فى التكريم
يعنى ربنا كرّمه
على الكل ؟
= الانسان
+ طيب معنى كده اننا غاليين
مش كائنات عاديه
وحبيبك النبى قال
(الا ان سلعه الله غاليه
الا ان سلعه الله هى الجنه )
اذن الجنه غاليه
علشان كده
الغالى للغالى
دى القاعده الاساسيه
متجيش بقى تغير القاعده دى
وتقول
الرخيص للغالى
والرخيص اللى هى النار
والغالى انت
والجنه مش هتدخلها الا لما تسمع كلام ربنا
وساعتها هتطبق القاعده الغالى للغالى
لكن
لما ماتسمعش كلام ربنا
هيبقى
الغالى رخيص
يعنى ثمنك هيقل
سعرك هيقل
ولما سعرك يقل
مش ليك الا الرخيص اللى هى النار
= انا فهمت و كمان علشان كده
ربنا بيسامحنا علشان سعرنا يعلى تانى
يتبع
| |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الإثنين أغسطس 03, 2009 4:26 am | |
| بالظبط بس ماتعملش
الذنوب وتقول مهما اعمل ربنا هيغفر لى
= نعم !!!
ازاى بقى
+شوفت بقى اننا فاهمين الدين غلط
بص يا بطل
حبيبنا سبحانه قال
(يغفر لمن يشاء و
يعذب من يشاء )
= طيب وانا امتى ربنا هيغفرلى ؟؟
+ ربنا اسمه الغفور
= ماتجننيش بقى يعنى هيغفر لى
ولا مش هيغفر لى
+ افهم
هقولك مثال
ولله المثل الاعلى
لما انا اقولك ماتعملش كده علشان ده غلط
ولما تجى تعملها واثناء ما انت بتغلط
افكرك خلى بالك كده غلط
وبرده بتغلط
يبقى كده انت بتستهبل
علشان كده
لازم اهددك علشان تفوق شويه
اقولك خلى بالك
لما تغلط ممكن اسامحك وممكن لاء
يبقى دى هتوقف من اخطائك كتيير
ولله المثل الاعلى
لما تحط الايه ديما قدامك وانت بتعصى
هتفتكر وتمسك نفسك حتى لو غصب عنك
بس هتحاول جامد
غير لما اقولك مهما تعمل هسمحك
ومفيش اى قيود عليك
= صح يعنى كل لما اجى اعصى
افتكر وهقف و همسك نفسى فعلا
ربنا ده عظيم اوى مينفعش يساوى بين كل الناس
فعلا حاجه زى دى تخلينا نمسك نفسنا جامد
لان لما اجى اعمل ممكن يغفر لى
وممكن مايغفرليش وساعتها هتبقى مصيبه
لان ممكن يكون الذنب فى نظرى صغير بس
عند ربنا كبيير اوى ولما اعرف يوم القيامه
مفيش ولا استغفار ولا غيره
بالظبط لازم نحط الايه دى ديما قدامنا
بس معلش ساعات بعمل ذنب وانا ناسى
+ طبعا احنا قايلين
ان ربنا حبيبنا
وهيزيد حبنا ليه دلوقتى
= ليه ؟؟
+بص حبيبك النبى قال
بس صلى عليه الاول
= صلى الله عليه وسلم
+قال
(رفع عن امتى السهو و النسيان و مااستكرهوا عليه )
وناخدها واحده واحده
السهو لما تكون بتعمل حاجه
وانت مش واخد بالك
بس انت عارف انها غلط
ولكن تقدر تقول سرحان فى حاجه تانيه
زى لما تكون بتصلى وتسرح وتزود ركعه
مش بتشيل وزر سهوك
بس مش معنى كده انك
هتاخد اجر الصلاه كامل
لانك فى
الاصل سرحت وكان ناتج عليه
انك سهوت وانت بتصلى
و
النسيان لما تكون بتعمل حاجه
وانت ناسى خالص انها غلط
زى مثلا
لما تكون انت صائم وتشرب مياه
وانت ناسى طبعا اول ماتفتكر بتقف عن الشرب
وتكمل صيامك بس اول ما تفتكر
وكده انت لم تأخد وزر او ذنب
لانك ناسيت
والانسان اتسمى انسان علشان
كذا حاجه
منها انه بينسى
و
الحاجه التالته ما استكرهوا عليه
يعنى الحاجه اللى بتعملها غصب عنك
بس انت من جواك مش راضى على العمل ده
نكمل بقى الايه بتاعتنا
= آيه ايه ؟!
+(قل للمؤمنين يغضوا من ابصارهم )
= ياااااااااااااا اه انت لسه فاكر
+اه نكمل يا استاذ
لو بصيت للآيه هتلاقى
(قل للمؤمنين يغضوا )
مش
يغمضوا
=طب وايه الفرق ؟
+الفرق كبير اوى
يغمض يعنى يغمض عينه خالص
عن كل الاهداف
عن كل حاجه
لكن
يغض يعنى يحجب الرؤيه عن حاجه معينه
يعنى لما اقولك غض بصرك
مش معناها غمض عينك
ولكن ماتبصش على الحاجه الفلانيه
ولكن ممكن تبص على حاجه تانيه
وعلشان تعرف ربنا اد ايه حاسس بينا
لم يقل
( قل للمؤمنين يغضوا ابصارهم )
ولكن قال
(قل للمؤمنين يغضوا من ابصارهم )
وخلى بالك من كلمه
" من "
يعنى غض الجزء مش الكل
=مش فاهم
+يعنى مثلا انت ماشى فى طريق
وشوفت بنت ماشيه
ربنا بيقول لك
بص فى اى حته فى اى مكان بس البنت
دى بس لاء
لكن اى حته تانيه براحتك
=آه فهمت يعنى لما اشوف بنت ابص فى حته تانيه
+الله ينور ومعلش
طبعا فى كل حاجه فيها موضه
صح ؟؟
= مظبوط
+ طيب احنا كمان عندنا
موضه فى غض البصر
=هى ايه؟؟؟؟
+ديما ومعظم الناس
اللى بتغض بصرها
الشارع كله بيعرف انهم بيغضو بصرهم
=اه صح
تلاقيهم يبصوا فى حته تانيه خالص
يلفت وشه بالكامل فى حته تانيه
+ايون بالظبط
ولكن علشان نغض بصرنا كفايه ربنا بس يعرف
وربنا قال
(ابصارهم )
ولم يقل
(وجوههم)
يعنى كفايه نظرك بس
مش لازم تلف راسك كلها
= طيب وايه الموضه فى غض البصر
يتبع
| |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الإثنين أغسطس 03, 2009 4:27 am | |
| + بص لازم تكون كاجوال فى كل حاجه
حتى فى غض البصر
يعنى مثلا انا ماشى وقدامى بنت ماشيه
بص فى الساعه
او
طلع الموبيل اقرا الرسايل
او
شوف الميسد كوول
المكالمات الفائته يعنى
ولو
مفيش معاك موبيل
هتلاقى فى عربيه راكنه على جنب
اوماشيه
بص على لوحه الارقام
واحفظ الارقام بتاعه العربيه
او
لو فى محل على جنب
بص فى المحل شوف فيه ايه
واحفظ الاسعار بتاعه المعروضات
او
عاوزك تعد كام دور فى العماره اللى جنبك
وابقى قابلنى لو حد حس بيك
= ياجامد على الكاجواله ...
هى دى الكاجواله ولا بلاش
فعلا احتراف الطاعه
+ جميل اوى اوى انك تطيع ربنا
بس الاجمل ازاى هتطيع ربنا
= فعلا
+ وطبعا الكلام ده على اخوتنا البنات
= طبعا ...
وربنا ياخد البنات اللى بتلبس ضيق دول
هيودونا فى داهيه
+لاء ماتدعيش على حد
= اسكت يا سيدى هنضيع بسببهم
+ماشى يبقى ادعى لهم بالهدايه
ادعى لهم ان ربنا يهديهم
لاننا المفروض نكره الغلط ذاته
ومانكرهش الغلطان
كان ممكن تبقى انت مكانه
تكون فى التوبه طمعان
وعاوز تتوب
او تكون تايه ومفيش حد
قالك الصح طريقه ازاى
يبقى لازم ندعى لهم مش ندعى عليهم
= عندك حق ربنا يهديهم
ويدلهم على الطريق الصح
+بص بقى ليه نغض بصرنا ؟
=اه صح ..ليه ؟
+بص لو كملت الايه
(قل للمؤمنين يغضوا من ابصارهم ويحفظوا فروجهم)
ركز على الترتيب بتاع الايه
= اه ..الاول يغضوا من ابصارهم
التانيه يحفظوا فروجهم
+عارف ليه ؟
=اممممممممم..:3 85_4:.. ليه ؟
+لانك مثلا لو عكستها
هتبقى
قل للمؤمنين يحفظوا فروجهم
ويغضوا من ابصرهم
هتبقى ايه لزمه غض البصر
طالما انا حافظت على نفسى
= مش فاهم
+ بص
يعنى ايه يحفظوا فروجههم؟
= يعنى
لا يزنى
+ وايه تانى ؟
= بس
+ لاء فى حاجات كتيير منها
الزنا
والعاده السريه
و..و..
"اعذرونى لعدم ذكر الباقى لان هناك
بنات و اولاد سنهم صغير على الكلام ده"
= اه
+ واستحاله تعمل ده سواء الزنا او العاده السريه
هتبدأ بالتدريج
واول خطوه فى الطريق ده
هى النظر
يبقى ربنا بيحذرك من
الخطوه الاولى الاول
وهى النظر
بعد كده الحاجه الكبيره
وهى عدم حفظ الفرج
= ممكن توضيح اكتر
+ ماشى بص ربنا قال ايه تانى
(ولا تقربوا الزنا )
وربنا وحبيبنا
لم يقل
(ولا تزنوا )
=اه ..يعنى ما اقربش من المعصيه اساسا
+ مظبوط ..بس ازاى بقى هتقرب لها ؟؟
= بالنظر
اللى هى التدريج للزنا
+ ايون
الله عليك وربنا يبارك فيك
=اى خودعه
الحمد لله على كل شئ
+عرفت ليه بقى ربنا امرنا بغض البصر
و لم يخيرنا بين غض او عدم غض البصر
=اه ...فهمت
+نبص بقى دلوقتى على حاجه تانيه
وهى الزنا
اللى هى المصيبه الاكبر
=ماشى
+الاول ...ايه هو الزنا ؟
=لما راجل يجامع امرأه
+وايه تانى
=والبص على حاجه حرام
+وايه تانى ؟
= هو فى تانى !!!
لاء ما اعرفش
+ ماشى بص اللسان بيزنى
لما يشتم حد
او لما يجيب فى سيره حد بحاجه وحشه
او لما يحلف كذب
او لما يسب الدين
ومن نعمه ربنا علينا
حبيبنا قال
(ومايلفظ من قول الا لديه رقيب عتيد)
= طيب وفيها ايه
هنتحاسب على كل كلمه
+لاء يا فالح غلط
=امال ايه ؟
+ بص
رقيب وعتيد دول ملكان
واقفين لك على الوحده
يعنى مش هيفوتوا اى حاجه تقولها
= عارف
+وربنا قال
(وما يلفظ من قول )
ولم يقل
(وما يلفظ من لفظ )
يعنى
هتتحاسب بالجمله كلها
بالقول كله
=مش فاهم ..ياريت توضح ؟
+يعنى مثلا
انا بقولك
ربنا يهديك
من خلال طريقه كلامى
ربنا هيحاسبى
يعنى ممكن اقولها لك بنيه الدعاء لك
وبكده الملائكه هتدعى لى
وممكن اقولها لك بإسلوب التريقه
وبكده هشيل بيها ذنوب
وبرضه ربنا مش بيحاسب باللفظ فى ذاته
لان لو قلت
ربنا
ممكن اكمل بالدعاء لك
او اكمل بالدعاء عليك
او لى لفظ تانى
وفى كمان
زنى اليد لما تسرق حاجه
او تاخد رشوه
او حتى تضرب حد
= ازاى بقى اذا كان
ربنا قال
(واضربوهن )
يبقى فى ضرب
+طيب ما تكمل الايه
= مش فاكرها بس لو هما عملوا غلط
+هما مين دول ؟
= زوجتى او زوجاتى
+طيب وكمان افكرك بحاجه
حبيبك النبى قال
(علموا اوالدكم الصلاه لسبع واضربوهن لعشر )
= اه صح انت فكرتنى
دى كمان واحده
وكمان النبى قال
(من رأى منكم منكرا فليغيره بيده
فان لم يستطع فبلسانه
فان لم يستطع فبقلبه )
+افهم دينك صح
انت عندك فى اخر حديث
امتى استخدم كل واحده
= لما اللى قبلها تفشل
+لاء غلط
= امال ايه ؟
+لما تكون اللى قبلها مش مكانها
= ازاى ؟
يتبع
| |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الإثنين أغسطس 03, 2009 4:29 am | |
| +يعنى كل واحده من الثلاثه ليها مكانها
يعنى الاولى اللى هى هتغير بأيدك
مين اللى قال انها ضرب وبس
=نعم !!!امال ايه ؟؟
+بص اتنين بيتخانقوا دلوقتى
هتعمل ايه ؟
= هسلك بينهم
+طيب ما انت استخدمت ايدك يا فالح
= اه صح
+وخلى بالك ده وقتهايعنى ماينفعش تقف من بعيد
وتقولهم اسكتوا يا جماعه
لانك كده بتهرتل وممكن تنرفز اللى بيتعارك ويجى يضربك انت
وصاحبك مثلا بيشرب سجاره
علشان انت خايف عليه
هتمد ايدك تاخد السيجارة من بُقه
وترميها على الارض
بس طبعا بأسلوب كويس وبلاش تزعق له
لاء ممكن وانت بتسحبها
تبتسم فى وجهه وتقول
مش دى اللى هتوديك النار
او تبتسم وتقول
علشان خايف عليك
ومثلا لو بتتفرج على التلفزيون
وشوفت منظر مش كويس
هتعمل ايه ؟
= هغير المحطه
+يعنى استعملت ايدك
= اممممممممم
+ولو افترضنا
الضرب زى ما انت بتقول
يبقى الضرب محصور فقط
فى اللى بتملك عليهم سلطه
= زى مين؟
+ زى زوجتك واولادك فقط
وكمان بشروط
=ايه هى ؟
+بلاش غباء فى الضرب
يعنى تضرب بأسلوب وسط
مش جامد اوى اللى هو الضرب المبرح
اللى ممكن يعلم فى الجسم
ومش بخفه اوى بحيث يكون اسلوب للهزار
وكمان مفيش ضرب على الوجه
يعنى ماتضربش حد بالقلم حتى لو هزار
وكمان يكون الضرب ده اخر وسيله للعقاب
يعنى قبلها يكون
اول مره
نصيحه
لو مانفعش
تهديد فقط
بحيث يخاف اللى قدامك
ولو مانفعش
تهديد وتنفيذ التهديد
زى مثلا تحرم ابنك من
انه يقعد على الكمبيوتر لانه بيحب كده
لو مانفعش
زوّد التهديد يعنى تحرمه من اكتر من حاجه
لو مانفعش
لابنك
يبقى بصراحه عيل رخم
=ههههههه
 +هنا بقى اضرب وبالشروط اللى قلنا عليها
لو مانفعش بقى
افتح البلكونه وارمى ابنك
=انت اللى قلت
+ايووووه عليك
يعنى انت سايب كل الحاجات
دى وماسك فى انك ترمى ابنك من البلكونه
واضح انك بتعشق ابنك جدا
=انا مش متجوز
+يعنى انا اللى متجوز
بس اوعى ترميه من البلكونه
ممكن من فوق السطح
= كده ماشى
لكن من البلكونه ممكن يتكسر
+على اساس من فوق السطح هيتجبس
انت غوريب جدا
نكمل يا غوريب
وطبعا الضرب قلنا على
اللى عليه سلطه منك
يعنى انت مسئول عنه يوم القيامه
و
مع اصحابك مفيش ضرب لانك
مش مسؤل عنه
ولكن انصحه مره واتنين
وشجعه على ترك الغلط
و
التالته اللى هى
تغيربقلبك
مثلا
انت شايف حاجه صعب تغيرها
لان لما تغيرها ممكن يحصل مشاكل
اكتر يبقى حط لسانك جوه بُقك واسكت
ولكن اهم حاجه ماتكونش من جواك راضى بكده
واكيد لما تغير بقلبك جسمك كمان هيتفاعل
مع عدم الرضا
=يعنى هضرب
+يابنى انت عاوز تعمل اى خناقه
عاوز تضرب وخلاص
لما
جسمك يتفاعل مع قلبك
هتحاول بكل الطرق انك حتى تمشى
وتسيب الشئ الغلط ده
وصدقنى لو كانت من قلبك بجد
هتسيب علامه فى الشخص
اللى بيغلط
و
كمان نوع من الزنى
هو
زنى القدم
لما تمشى فى حاجه حرام
يعنى من الاخر مثلا
خارج خروجه مش كويسه
ومن قبل ماتخرج عارف انك
هتعصى
رايح تأذى واحد
رايح تعمل مشكله مع حد
رايح تعمل معصيه ايا كانت
المعصيه
=كويس انك قلت على حكايه الخروج دى
+طيب كويس اوى اننا عرفنا
ولكن هل هنطبق ؟؟
=لاء بجد اقتنعت
وكده ان شاء الله هنطبق
يلا انت وهى
خلاص خلصنا
الحلقه دى يارب تكون
اثرت فينا
يلا كل احد يعاهد نفسه
انه يغض بصره
احم ...احم
انه يغض من بصره
كله يقول معايا
سبحانك اللهم وبحمدك
اشهد ان لا اله الا انت
استغفرك واتوب اليك
وبجد دى من احلى ما كتبت
بجد استمتعت بالحلقه دى
منقول
| |
|
| | |
A.E.R
]] نائب المدير [[
عـمــــرى : 34
سجل فى : 14/06/2009
مساهمات : 992
نقــــــــاط : 2300
فريقى المفضل : 
فريقى الاوربى :
| |
| | |
Diaa E17aRReeF
| ™ مؤسس المنتدى ™ |
عـمــــرى : 32
سجل فى : 19/05/2009
مساهمات : 1416
نقــــــــاط : 2215
فريقى المفضل :
فريقى الاوربى : 
| |
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الأحد أغسطس 16, 2009 3:28 am | |
| نكمل يا بطل
=ماشى يلا بينا
هنتكلم عن ايه دلوقتى
+عن اهم حاجه فى الدين
حاجه منغيرها
كل الخير اللى ممكن نعمله
مالهوش اى لازمه
ومفيش حاجه مقبوله
=ازاى !!!
+زى مابقولك بالظبط
شئ مهم جدا
وكلنا فاكين منه خالص
الا من رحم ربى
شئ مهم جدا
=طيب هو ايه
قول بسرعه
+الصلاه
=ياراجل فجعتنى
بقى الصلاه دى هى اللى مش هتخلى اعمالنا مقبوله
+شوفت انت بتعتبرها حاجه صغيره
حاجه عاديه وهى فعلا حاجه صغيره فى الفعل
يادوب
17 ركعه
مش قضيه
فى العمل
ولكن ثوابهم
على العكس تماما
ثواب عظيم جدا
ياااااااااااااا ااااااااه لو نعرفه
انت عارف لو عرفناه
وعملناه
فعلا
هنتغير بجد
=طيب معلش بقى اشمعنه الصلاه
+بص
حبيبك النبى صلى الله عليه
قال
(اول مايحاسب عليه العبد يوم القيامه
الصلاه
فإن صلحت صلح سائر عمله
وإن فسدت فسد سائر عمله )
وخلى بالك
من الحديث ده جامد اوى
هقولك على حاجه
تخيل معايا
لو انت فى امتحان
وماده انت مذاكرها كويس جدا
من الاخر ماده فى جيبك
داخل تقفل فيها
انت بتاع الفول مارك
ولما دخلت وحليت وخلصت
ماكتبتش رقم الجلوس
هل ورقتك حد هيبص لها
=طبعا لاء
+ماتنساش انك حالل مظبوط ومفيش ولا غلطه
=اه
+عارف ليه مااتعلمتش؟
=علشان ماكتبتش رقم الجلوس
+يعنى اللى بيعلم
مش هيبص انت مين
لان مفيش فرق بين حد
وبرده مش هيبص
انت حالل ازاى
ولكن فين الاساس
رقم الجلوس
لو موجود ورقتك هتتعلم
حتى لو كان حلك زى الزفت
ممكن تكون حالل غلط ويعدى
=مظبوط
+طب اعكس الاضواء
ولله المثل الاعلى
رقم الجلوس هى الصلاه
وانت هو انت
وربنا عز وجل مش هيبص انت مين
ولا هيبص انت عملت ايه
ولكن
فين الاساس
الصلاه
دى رقم الجلوس
لو كانت صح
هتعدى ورقتك اللى هو كتابك
وربك يعفو عن كثير
ولو مفيش رقم جلوس
يبقى اركن على جنب
ومهما تكون انت مين
او عملت ايه
=فعلا عندك حق انا كده
هتكلم بصراحه لانى بجد
عاوز ربنا يعفو لى عن كثير
ومش عاوز اركن على جنب
لانها ركنه مصيبه
ربنا يبعدنا عنها
انا عندى كام مشكله
او بقى كام مصيبه
+قول اى حاجه
واكيد لها حل
=ماشى
بص بقى المصايب هى ...
+بص قول واحده واحده
وكل مشكله نحلها بشويش
=ماشى الاولى
وهى الكارثه واكبرهم مصيبه
وهى الكسل
+هى فعلا مصيبه
ولكن لازم تعرف ان دى ام المصايب
بس طبعا ربنا مش هيسبنا محتارين فى حل
ربنا سبحانه قال
(واستعينوا بالصبر والصلاه
وانها لكبيره الا على الخاشعين )
=واحده واحده
فين الحل بقى ؟
+هقولك
بص اول الايه بتقول
(واستعينوا بالصبر والصلاه )
ولو فاكر من الحلقه اللى فاتت
قلنا اى امر فى الدين
اما امر واجب
لازم نعمله
او
امر مستحب
ياريت نعمله
=اه فاكر
وكمان قلنا الامر الواجب لما يكون الامر مباشر
لازم نعمله
| |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الأحد أغسطس 16, 2009 3:29 am | |
| وربنا هيزعل مننا لو ماعملنهوش
اما الامر المستحب
لما يكون تحبيب وترغيب فيه
ومش هنتحاسب عليه لو مش عملناه
+مظبوط
قلى بقى الايه دى من اى نوع
=امممممممممم
من النوع الاول
+مظبوط
يعنى شئ لازم نعمله
والا هنتحاسب عليه
وركز
ربنا قال
(استعينوا بالصبر والصلاه )
ينى قدّم الصبر على الصلاه
=اه صح
ازاى ؟؟
يعنى الصبر احسن من الصلاه
+مش ده معناها
ولكن معناها
ان الصلاه مش هتكمل الا بالصبر
يعنى لازم يكون فى صبر الاول علشان
التانيه وهى الصلاه تكمل
يعنى لازم نصبر هيحصل ابتلاءات كتيير اوى
ولكن هل هتصبر
هتاخد مقالب كتيير
من الناس
مثلا
انت بتصلى فى المسجد الفلانى علشان تقابل
واحد بتحبه
او عاوزه فى مصلحه
وماجاش
هل انت هتفهم الرساله
انت جاى لمين !!!
ولازم تصبر لانك بتصلى لربنا
وتصبر على الصلاه لانها فعلا هتغيرك
وربنا قال
( ان الصلاه تنهى عن الفحشاء والمنكر )
يعنى اللى هينهيك هى الصلاه
مش انت
وده مش هيحصل الا بالصبر
الصبر للصلاه
والصبر بالصلاه
نكمل الايه
(واستعينوا بالصبر والصلاه)
=طيب ما انا بكسل
والصلاه تقيله اوى عليا
+طيب كمّل الايه
(وانها لكبيره الا على الخاشعين )
يعنى تقيله على كل الناس
الا
الخاشعين
الناس دول بس
هما اللى الصلاه مش تقيله وخفيفه
=طيب ومين هم الخاشعين ؟
+ربنا قال
( الذين يظنون انهم ملقوا ربهم
وانهم اليه راجعون)
يعنى يعنى اللى فاهمين الحياه
والدين صح
عارف هو رايح لمين
رايح لربنا
يعنى اللى عاوزه
هيبقى معايا اى حاجه عاوزها
كل اللى اطلبه
هروح الى
من خلق الارض والسماوات
هروح للى هيحاسبنى يوم القيامه
رايح اتكلم معاه شويه
رايح لربنا علشان يسمعنى
واطلع كل اللى جوايا
ويحللى كل مشاكلى
رايح لكاتب ومؤلف
افضل كتاب نزل على وجه الارض
كتاب الله
القرآن الكريم
وانهم اليه راجعون
كمان عارفين انهم كده كده رايحين له
لما يموتوا
يبقى طالما انا كده كده رايح له
يبقى اروح له دلوقتى
اخد الدنيا والاخره
مش
اضيع الدنيا والاخره
=طيب ازاى اخشع
انا مش بعرف اخشع خالص
+علشان تخشع
لازم تفهم انت بتعمل ايه
انت بتصلى
انت عارف يعنى ايه تحط وشك على الارض
بس لله
كبيره اوى
لما تحنى جسمك لله
كبيره اوى
يتبع | |
|
| | |
saso
]] نائب المدير [[
عـمــــرى : 37
سجل فى : 11/06/2009
مساهمات : 379
نقــــــــاط : 851
فريقى المفضل :
فريقى الاوربى :
| | موضوع: رد: حمله (رمضان هيغيرنى) الأحد أغسطس 16, 2009 3:31 am | |
| وتانى حاجه لازم تفهم انت بتقول ايه
تفهم الكلام وتعتبر ان الكلام موجه ليك انت
عيش فى الصلاه
وديما وانت مصلى
بص مكان السجود
علشان النبى امرك بكده
ووفيها حكمه عظيمه
ليه ماتبصش قدامك
لازم تبص مكان السجود
=اه صح اشمعنه مكان السجود
ليه مثلا مش تحت رجلى ؟!
+بص لما تبص قدامك او حتى فى اى حته
هتنشغل باللى حوليك
والمفروض انك تنشغل بالله
ولما تبص تحت منك
رقبتك هتوجعك
ولما توجعك هتحس بألم
وبرده كده مفيش خشوع
لكن اما تبص مكان سجودك
منها
الذل لله
وكمان مش هتتعب
وممكن كمان تغمض عينيك
بص راسك
تكون فى اتجاه مكان سجودك
=يااااااااااااه على الدقه
فعلا ربنا عارف كل حاجه عننا
+وبرضه لازم تصلى بالراحه
بلاش نقر الفراخ
اعرف انت بتصلى لمين
وعيش الصلاه
=ازاى اعيشها ؟
+بص الحيث ده
قال الحبيب صلى الله عليه وسلم
نقلا عن ربنا
(قسمت الصلاه بينى وبين عبدى
ولعبدى ماسئل )
يعنى الصلاه متقسمه نصين
ان نص وربنا نص
=طيب معلش يعنى ليه لربنا نص
هو ربنا محتاج الصلاه فى حاجه
+ركز بقى
ربنا قال فى الحديث القدسى
(ولعبدى ماسئل )
يعنى اللى انت هتطلبه هتاخده
=امال ايه حته نصين دى ؟!
+هقولك مثلا
عارف الحب من طرف واحد
يعنى تقعد انت بتحب واحد
=واحد مش واحده يعنى
ماشى ...ماشى
+لم نفسك يا فالح
هنتكلم بعدين فى حته
حب البنات
=ماشى
+ركز بقى
الحب من طرف واحد
بتقعد انت بتحب واحد
وهو حالق لك خالص
ومطنشك
مهما يكون حبك ليه
اكيد حبك هيبدأ يقل واحده واحده
وفى النهايه هتبقى بتصلى علشان
زى ما الناس بتقول
بنزل فريضه من عليا
والسلام
لكن الحب من طرفين
غير كده
بنت بتحب واحد
بتعطى له هديه وهو يرد لك الهديه
واللى بتطلبه منك ينفذه علشان بيحبك
واللى بيطلبه منك
بتنفذه
علشان بتحبه
ولله المثل الاعلى
=اه
يعنى الصلاه حب من طرفين
انا وربنا
+مظبوط
انتم الاتنين بتحبوا بعض اوى
واللى بيطلبوا منك لازم تنفذه
امرك بالصلاه
وانت بتقول بتحبه بجد
يبقى لازم تنفذ
وانت بتطلب منه حاجات
وهو سبحانه بينفذها
وهو قال لك
ولعبدى ماسئل
يعنى هتاخد اللى عاوزه
منه
وعشان تعيش فى الصلاه
عيش
لما انت تقول
الحمد لله رب العالمين
وربنا يقولك حمدنى عبدى
يعنى عبدى بيحمدنى
وكده
تخيل وعيش الصلاه
وحط فى دماغك ان الصلاه دى اخر صلاه فى حياتك
وحط فى دماغك
ان ربنا بيبص لك
اظن هتكون مركز اوى
علشان حبيبك بيبص اليك
لانك اول مابتدخل الصلاه
وتقول الله اكبر
ربنا بينظر ليك
واول ماتسرح
ربنا يقولك
لخير منى ؟!
يعنى
هل انت بتسرح فى حاجه اهم من حبيبك
امال بتحبه ازاى ؟
وحط فى دماغك وانت رايح
انك رايح تقابل حبيبك
يعنى احلى شياكه
انا معاك ربنا مش بيبص لشكلنا
ولكن برضه بيحب الجمال
يعنى بلاش الجرب وسرح شعرك واعدل هدومك
وروح صلى
لانك هتقابل حبيبك
=فعلا حبيبى
وفى مشكله تانيه
لما اكون بشتغل
صعب اوى عليا اقوم لانى بحب شغلى اوى
وانت عارف
العمل عباده
صح ولا ايه ؟
+صح
فعلا العمل عباده
وحياتنا كلها عباده
لله
مظبوط
بس بص لكل حاجه مش اللى يعجبك وبس
يعنى
زى ما العمل عباده
الصلاه فريضه
هتختار ايه ؟
=...
+وكمان احنا بنقول العمل عباده
والصلاه هى ام العبادات
اذا كان العمل بتاخد منه ثواب كبير
فما بالك لما تاخد ام الثواب
الثواب الاكبر
لانه بيفرق لما تاخد حاجه من شخص كريم
عن لما تاخد من اللى اعطى للشخص ده اللى هو ابوه
او امه
اكيد بيبقى اكتر
=فعلا هختار ام العبادات ولكن
ليه اسم الصلاه
ام العبادات ؟
+لانها بتشمل العبادات كلها
=ازاى ؟؟
+بص لما بتتوضى ده تنفيذ لامر ربنا
والصلاه برضه تنفيذ لامر ربانى
وفى الوضوء فى حاجات من السنه بتعملها
يبقى كده بتنفذ سنه النبى
واول ماتيجى تصلى بتبص تجاه الكعبه
وده تذكير بفريضه الحج
وماينفعش وانت بتصلى
تاكل او تشرب
بتفكرك بفريضه الصوم
ولازم تقف بثبات
فى الحرب او الجهاد لازم تثبت
وطبعا بتقرأ قراءان
وكمان بتقول الله اكبر وسبحان الله العظيم وكده
ودول اذكار
وطبعا لما بتصلى بتاخد اجر صلاتك
راحه البال والهدوء النفسى
فى الدنيا والاخره
ده عباده العمل
لما تشتغل هتقبض
وكمان
واثناء مابتصلى
بتخشع
ودى عباده
والصلاه كلها على كده
كلها عبادات فى عبادات
=فعلا
وكمان مشكله صغننه
معلش يعنى
ايه لازمه الصلاه طالما انا كويس
وقلبى ابيض
+ومعلش سؤال صغنن
مين اللى قلبك ان قلبك ابيض
=الناس كلها
+طيب الناس قبلت قلبك الابيض
ولكن المهم هل ربنا
قبل قلبك الابيض
يعنى ازاى قلبك ابيض وهو مليان ذنوب
ومليان هموم
وغير كده احنا قلنا اى عمل مش هيتقبل الا بالصلاه
وقلنا مثال رقم الجلوس
انتظرونا فى الجزء التانى
منقوول | |
|
| | |
Diaa E17aRReeF
| ™ مؤسس المنتدى ™ |
عـمــــرى : 32
سجل فى : 19/05/2009
مساهمات : 1416
نقــــــــاط : 2215
فريقى المفضل :
فريقى الاوربى :
| | موضوع: رد: حمله (رمضان هيغيرنى) الثلاثاء فبراير 23, 2010 4:44 am | |
| شكرا على الموضوع
شكرا على جميع الردود
جزاكم الله خيرا
| |
|
| | |
| | حمله (رمضان هيغيرنى) | |
|
